الرئيسية

عاجل/رفيقة المصابة الجديدة بكورونا تنشر تفاصيل جديدة من نواكشوط

السلام عليكم

يوم 08/04/2020 الساعة 10h صباحا في فندق فلورا، عدلنا الفحوص الي لتذكير من اول يوم في الحجر الصحي و نحن انطالبو بيهم سابگ نوخظو و اليوم الحمد لله و يواجعة اخلاط اعرفن اهمية ذاك الطلب الي كن ملحين اعليه ، بظهور الفيروس في اختي و صديقي دون ذكر أسمه .

الحمد لله الحالة عادية ححتتت و تحتاج فقط لعناية طبية كيف السيد لول ألي أتعاف الحمد لله و رادها أعليه هي ، و الحالة الحمد لله كانت نگر الحجر إذا أنتوم ذوك ألي تتعايطو الگدام ذ ماهو لاحگم و ذاك الي جبرت هي من المحجوزين ينعد فليد الحمد الله .

المحجورين الثانيين كاملين سليمين من الفيروس و أن الحمد لله منهم و هون لاهي نبشر الناس لي سولت عني كاملة إجازيهم بالخير و أمبشرة أملي ذوك المرضى ( المرض الي بلا علاج املي ) أنهم إشاعاتهم ألا يرده فيهم ان شاء الله أخلعتو اعلي أهلي و معارفي كاملين و ان إزيدن فيه نعمة ماني حاسة بشي .

ملاحظة مهمة عندي : ماني گايلة لكم ماهو أن والله العظيم الكريم ال عندن وزير صحة مشتقل و ذ ان شفتو بعيني الليلة البطل نذيرو ولد حامد نازل اعل الساحة هو من نفسو و أعگاب الليل الساعة 2h و الله إعينو و إعين الناس الي أمساهمة كاملة يسو باش .

و في الأخير كيف گتلكم الجماعة كاملة خاطي الطفلة (يلي سألتو هو كريم يشفيه ) سليمين الحمد لله و مع ذاك ران گابلين ذاك ألي لاهي أتقرر الدولة كامل نحن راجعين لدولتنة إياك نتراحمو مع اهلنة ماهو ياك نخلوهم ابدااا .

و مقترحين إعادة الفحوص مرة أخرى و زيادة فترة الحجر ، والله ال مكدر حت و الله ال متوحش اهلي و كنت شاكني لاهي أنبات الليلة الا امعاهم ، يغير مصلحتن كاملين ساويالي نحجر شهرين و نجبر اهلي انهارين متمونكة و ماني خايفة أعليهم .

 فندق فلورا - 09/04/2020

0
0
0
s2sdefault

إشهارات

 

 

تقدمي على فيس بوك

تقدمي على تويتر

Search